கெளரவம்

உலகின் எல்லா பகுதிகளிலும் உள்ள மக்கள் கூட்டங்களில்

வம்பு, தும்புகளும் புறம் பேசுதலும்,

பொருளற்ற விரோதங்களும்

பயனற்ற முரண்பாடுகளும் நிறைந்தது தான்

இதில்

இனம், மொழி, ஜாதி, பேதங்கள் எதுவுமில்லை

அது குடும்பமானாலும் சரி,  சமுதாயமானாலும் சரி,

இதில்

சமுதாய பொருளாதாரம் முக்கிய பங்கு வகிக்கிறது

கெளரவம் பார்ப்பதில்

முன் காலத்தில் மதமும் ஜாதியும் கெளரவத்தை பிடித்துக்கொண்டிருந்தது

பின் வந்த காலத்தில்

படிப்பு அந்த இடத்தை பிடித்துக்கொண்டது

இப்போது

பொருளாதாரம் அந்த கெளரவம் என்கின்ற இடத்தை கோலாச்சுகிறது.

அந்த பொருளாதார பலத்தை அடைய

எங்கு வேண்டுமானாலும் போகலாம்

என்ன வேண்டுமானாலும் செய்யலாம்

யாரை வேண்டுமானாலும் பிரிந்து இருக்கலாம்

இன்னும் ஒருபடி மேலே போய்

யாருடன் வேண்டுமானாலும் சேர்ந்துஇருக்கலாம்

என்ற நிலைக்கு மனித சமுதாயம் வந்துவிட்டது

இதை வளர்ச்சி என்றும் மார்தட்டிக்கொள்கிறது

இது பத்தாம் பசலி கொள்கையாய் தெரியலாம்

சரி அப்படியே இருக்கட்டும்