புரிதலை எது தருகிறதோ 1

பல மரணங்களைக் கண்டு,

பல மனிதர்களுடன் பழகி,

அவர்களின் நிலைகளை அறிந்து

வாழ்க்கை அர்த்தமில்லாதது என்பதை புரிந்து கொண்டு

ஊரோடு ஒட்டி வாழ்ந்துதான் ஆகவேண்டும்

என்ற புரிதலை எது தருகிறதோ,

அதுவே கல்வி.

அந்த கல்வி ஆணவப்படாது,

ஆசைப் படாது,

ஆசையும், ஆணவமும் இல்லாத இடத்தில்

திருப்தி இயல்பாகவே இருக்கும்.

திருப்தி எப்போதும் மன நிம்மதியைத் தரும்.

மனநிம்மதியும், மனநிறைவும்

நாணயத்தின் இருபக்கங்கள் போல

இப்படி

வாழும் வாழ்க்கை நிறைவையும்,

இயற்கையின் ரகசியங்களை அறிந்து கொள்ளவும்

மனம் தயாராய் நிற்கும்.

அதனால்

சொல்லில் சக்தி பிறக்கும்.

சிந்தனையில்,

செயலில்,

தீர்மானமும்,

அன்பும்,

அக்கறையும்

இருக்கும்.