கண்களால் கண் பார்வையால் சுகம் அனுபவிக்கிறோம். பார்க்க முறையானதைப்
பார்க்குமளவு பார்த்து, பாதுகாப்பு முறையில் உபயோகிப்பதால், நீண்ட காலம்,
உண்மையான இதன் சுகத்தை அனுபவிக்கிறோம்!
நம் கண்களை மூடி, இம்முறையாய் அனுபவிக்கும் சுகத்தைத் தடுக்க, யாருக்கு
அதிகாரமிருக்கிறது. யாருக்கு சக்தி இருக்கிறது? நம்மைத் தவிர, இச்சுகத்தை
இழக்கக் காரணம் வெளியிலிருந்து ஏற்படுவதில்லை. பார்க்கக் கூடாத சிற்றின்ப
முறையில் பார்த்து நிற்கின்றோம். இயற்கை விரோதமாக, அதிகமான ஒளியையோ,
குறைந்த ஒளியையோ பார்க்க உபயோகிக்கிறோம். அசைந்து, அசைந்து அதிக
ஒளியில் புரளும் காட்சிகளான சினிமாப் படங்களை அளவு மீறிப் பார்க்கின்றோம்.
தூசு அழுக்குகளை அகற்றுவதில்லை, தாறுமாறான இயற்கைக்கு விரோதமான
இச்செயல்களால் ஏற்படும் பொய்ச்சுகம், நோயை விளைவிக்கிறது.
நூறு வயதுக்கென்று ஏற்பட்ட கண்கள், சிறிது காலத்திலேயே அழிக்கின்றன.
